Ellis James yn Nhŷ Tawe

Hyfrydwch pur oedd cael mwynhau ym mar newydd Tŷ Tawe neithiwr a hwnnw’n orlawn ar gyfer Steffan Alun ac Ellis James a’u comedi gwefreiddiol.

Tra fod y ddau gomediwr yn dod o’r de orllewin, mae Steffan Alun yn ŵr o Abertawe a’i hiwmor yn lleol, ffraeth, digri a doniol.  Mae’n anodd, mae’n siŵr, i gynhesu cynulleidfa ar gyfer comediwr arall, ond llwyddo wna Steffan Alun yn rhwydd gan lithro’n rhugl o dynnu coes coeglyd ar ryfeddu at Gymreictod S4C.

Yna daeth Ellis James.  Mae’n gomediwr naturiol, profiadol ac aeddfed a’i ddigrifwch yn boenus ar adegau.  Pwy wnaiff fyth anghofio’r ddelwedd ohono’n dawsnio yng Nghaerdydd mewn gig llawer rhy cŵl i fachgen o’r gorllewin, neu wedyn yn ddiamddiffyn mewn gig yng nghefn gwlad Ceredigion.  A dychmygwch y partion a fu pan ymwelodd Ffrancwyr â phobl ifanc Caerfyrddin rhai blynyddoedd yn ôl.  Does dim angen dweud mwy mae’n siwr.  Chwerthin, hwyl, Cymreictod naturiol, a chwmni da.

Dyma awgrym o’r hyn sydd i ddod a dwi’n amau bod rhagor i ddod yng Nghlwb Comedi Tŷ Tawe.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s